प्रधानमन्त्री देउवा र अमेरिकी विदेशमन्त्रीबीच टेलिफोन संवाद
अमेरिकी विदेशमन्त्री एन्थोनी जे ब्लिंकेनले प्रधानमन्त्री शेरबहादुर देउवासँग टेलिफोन संवाद गरेका छन् ।
विदेशमन्त्री ब्लिंकेनले मंगलबार नेपालका प्रधानमन्त्री शेरबहादुर देउवासँग टेलिफोन संवाद गरेका हुन् ।
अमेरिकी राजदूतावासले आफ्नो वेबसाइटमार्फत प्रधानमन्त्री देउवा र अमेरिकी विदेशमन्त्रीबीच वार्ता भएको जनाएको हो ।
संवादका क्रममा नेपाल र अमेरिकाबीच आपसी हितका विषयमा कुराकानी भएको अमेरिकी दूतावासले जनाएको छ ।
अमेरिकाले नेपाललाई उपलब्ध गराएको १५ लाख डोज खोप र मौसम परिवर्तनबारे पनि संवाद भएको जनाइएको छ ।
