पोखरा जनकपुरधाम हवाई सेवा सञ्चालनमा
नटराज सम्वाददाता
जनकपुरधाम । जनकपुरधाम पोखरा हवाई सेवा आजबाट सञ्चालनमा आएको छ ।
गण्डकी प्रदेशका मुख्यमन्त्री कृष्णचन्द्र नेपाली पोखराबाट बुद्ध एयर विमान चढी जनकपुरधाम आए पछि दुई प्रदेशको राजधानी जोड्ने यस हवाईको औपचारिक उद्घाटन भएको हो ।
मुख्यमन्त्री नेपालीले संचारकर्मीहरुसंग संक्षिप्त कुराकानी गर्दै भने,आजको दिन पोखरा र जनकपुरधामको लागि ऐतिहासिक दिन हो ,हामीले यसै मार्पत दुई वटा प्रदेशलाई जोड्ने काम गरेका छौं।
विमानलाई पोखराबाट जनकपुरधाम सम्म आइपुग्ने ४५ मिनेटको समय लागेको थियो ।
बुद्ध एयरका स्टेशन म्यानेजर विजय कुमार सिंहका अनुसार पोखरादेखि जनकपुरधाम सम्मको न्युनतम् भाडा ४ हजार १ सय रहेको छ भने अधिकतम् भाडा ९ हजार १ सय रुपियाँ रहेको छ ।
