ओली र प्रचण्डबीच भेटवार्ता
३ पुस, काठमाडौं । सत्तारुढ नेपाल कम्युनिष्ट पार्टी (नेकपा) का अध्यक्ष एवं प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच भेटवार्ता भएको छ ।
प्रधानमन्त्रीको निवास बालुवाटारमा करिब ४५ मिनेट कुराकानी भएको बालुवाटार निकटर स्रोतले जानकारी दिएको छ ।
ओलीसँग भेटवार्ता गर्न सवा पाँच बजेतिर बालुवाटार पुगेका प्रचण्ड साढे ६ बजे फर्किए । भेटमा पार्टी विवादबारे नै छलफल जनाइएको छ । विहीबार पनि ओली र प्रचण्ड बीच भेटवार्ता भएको थियो ।
तर, संवैधानिक परिषद् सम्बन्धी अध्यादेश फिर्ता नभई परिषदको बैठक बोलाइएकाले आपत्ति जनाउन प्रचण्ड बालुवाटार गएका थिए । त्यसपछि परिषद्को बैठक रोकिएको थियो ।
