हृदयघात भएपछि भारतीय काेरियाेग्राफर रेमाे डिसुजा अस्पताल भर्ना
चर्चित भारतीय नृत्य निर्देशक (काेरियाग्राफर) रेमाे डिसुजालाई हृदयघात भएकाे छ । अहिले उनकाे काेकिलाबेन धीरूभाई अस्पतालकाे आईसीयूमा उपचार भइरहेकाे भारतीय सञ्चारमाध्यमले जनाएका छन् ।
रेमाेकी पत्नी लिज डिसुजा पनि अहिले अस्पतालमै रहेकाे बताइएकाे छ । अहिले उनकाे एन्जियाेग्राफी गरिएकाे सञ्चारमाध्यमले जनाएका छन् ।
रेमाे डिजुजा निकै सानदार काेरियाेग्राफरकाे रूपमा चिनिन्छन्, उनले कैयाैँ हिन्दी फ्लिममा काेरियाेग्राफी गरेका छन् । एक ब्याकग्राउण्ड डान्सरबाट करियर सुरु गरेका उनले काेरियाेग्राफर हुँदै निर्देशकसम्म बन्न सफल भए ।
अहिले उनका समर्थक र बलिवुड कलाकारहरूले उनकाे स्वास्थ्य लाभकाे कामना गरिरहेका छन् ।
