धनुषामा दुईजनालाई करेन्ट लागेर मृत्यु
जनकपुरधाम, २६ साउन ।
धनुषाको क्षीरेश्वर नगरपालिका वडा नं. ३ पर्सा टोलमा करेण्ट लागेर दुईजनाको मृत्यु भएको छ ।
मृत्यु हुनेमा लक्ष्मीनिया गाउँपालिका ३ बस्ने ५० वार्षिय विन्दा दास र सोही वडाका ५५ वर्षिय मनिराम यादव रहेको जनाइएको छ ।
मृतक दास र यादव धार्मिक उत्सवमा भजनकिर्तन गर्न क्षीरेश्वर नगरपालिका वडा नं. ३ बस्ने भुलन यादवको घर गएका थिए । भजन किर्तनकै क्रममा माइकमा करेण्ट प्रभाव भएपछि उनीहरुको मृत्यु भएको प्रहरीले जनाइएको छ ।
