आसमान नेपालले ‘निक शिक्षा दिअ’ परियोजना सञ्चालन गरेको नगरपालिकामा शिक्षाको स्तरमा वृद्धि भएको छ ।
धनुषा
धनुषामा आसमान नेपालले ‘निक शिक्षा दिअ’ परियोजना सञ्चालन गरेको नगरपालिकामा शिक्षाको स्तरमा वृद्धि भएको छ । आसमान नेपालले धनुषाको लक्ष्मीनियाँ गाउँपालिकासहित गणेशमान चारनाथ, सबैला र नगराइन नगरपालिकामा यो परियोजना सञ्चालन गरेका छन् ।
परियोजनाअन्तर्गत विद्यालय जाने उमेर पुगिसकेका बालबालिकालाई विद्यालय पठाउन सहयोग गर्ने, बीचमै पढाई छोडेका र अनियमित विद्यालय जाने विद्यार्थीको समस्या पहिचान एवं त्यसको निदान खोजेर नियमित विद्यालय पठाउन वातावरण सिर्जना गर्ने, आवश्यक पठ्नपाठन लगायतका सामाग्री उपलब्ध गराउने जस्ता कार्यले गर्दा यि पालिकाहरुमा शिक्षाको स्तरमा वृद्धि भएको हो ।
आसमान नेपाल सबैला नगरपालिकाको समाजिक परिचालिका दुर्गा अधिकारीले विद्यालय जाने उमेर पुगेर पनि जनचेतना अभाव तथा विभिन्न समस्याका कारण विद्यालयसम्म पुग्न नसकेका त्यस्ता बालबालिकालाई ‘निक शिक्षा दिअ’ परियोजना अन्तर्गत विद्यालय भर्ना हुन सघाएपछि विद्यालयमा विद्यार्थीको संख्या बढेको बताइन् ।
आसमान नेपाल सबैला नगरपालिका संयोजक परवेज आलमले चालू शैक्षिक सत्रमा मात्रै सबैला नगरपालिका क्षेत्रभित्रका १३८ जना बालबालिकालाई विद्यालय भर्ना गरिएको बताए ।
उनले शैक्षिक सत्र २०७७ मा १ हजार २१५ र २०७८ मा १ हजार ५१७ बालबालिकालाई विद्यालय भर्ना गराउनु सफल भएको जानकारी दिए । त्यसमध्ये समग्रमा ७९ प्रतिशत बालबालिका नियमित विद्यालय जाने गरेको छ ।
