शहीदनगर नगरपालिकाका इन्जिनियर चौधरी २ लाख ७५ हजार घुससहित पक्राउ
साउन २८ गते । धनुषाको शहीदनगर नगरपालिकाका इन्जिनियर रमेश कुमार चौधरी १ लाख रुपैयाँ नगद र १ लाख ७५ हजार रुपैयाँको चेकसहित पक्राउ परेका छन् ।
अख्तियार दुरुपयोग अनुसन्धान आयोगको टोलीले उनीसँगै उनका साथी गुरुदेव यादवलाई पनि पक्राउ गरेको छ ।
शहीदनगर नगरपालिका वडा नम्बर ३ स्थित पशु सेवा केन्द्रको भवनबाट उनीहरूलाई पक्राउ गरिएको आयोगका प्रवक्ता भोला दाहालले जानकारी दिए ।
वाल निर्माण कार्य सम्पन्नपश्चात सो कार्यको भुक्तानी दिने क्रममा सेवाग्राहीसँग घुस लिइसकेको अवस्थामा उनीहरू पक्राउ परेका हुन् ।
